الزد شايط

الملا عبود الكرخي (شاعر شعبي وصحافي مشهور) يمشي بالشارع وما يحس إلا واحد من نواب البرلمان بوجه، فالنائب سأله: ها ملا وين كنت؟
فالكرخي قال له: والله الزد شايط والكطع مجسور والناس عجة عوصة، متدري بيا عثارة تحجر..
والكرخي كان يقصد: الشط زايد والجسر مقطوع والناس عصا عوجة، متدري بيا حجارة تعثر
والمقصد أن يقول له الظروف المعكوسة هي اللي جابتك للمجلس وسوت منك نائب بالبرلمان.
الله يرحمه الكرخي مات سنة 1946
أكو شاعر شاف الكرخي بالمنام سنة 1948 يقول الله الحمد لله اللي اخذ روحي قبل ما اشوف اليهود احتلوا فلسطين.. لعد لو يشوف المجلس الموقر الحالي