الحجي

في واحد من لقاءات الصحافي فاضل قاسم راجي (قزموز)، بالأديب الظريف المعروف حجي عبد الرحمن، قال له: يابه أبو عوف، ما تگلي منين جاك لقب حجي، وانت گضيت كل عمرك مأمور بريد بالخالص؟! گال له: عيني أبو قيس ما تتذكر آني كتبت فد مرة بالجرايد عن جامع اللقمانية الموجود بالخالص وطالبت بإعادة بناءه؟ گال له: بلي سمعت واتذكر.. وشنو النتيجة؟ گال له: النتيجة، لما عرفوا أهل الخالص انطوني الحجة!.. مو لأجل يسووني حجي.. لكن حتى كتاباتي تؤثر على الأوقاف ولا تدخل من إذن وتطلع من الإذن الثانية!

يابه احنا على هالكلام لازم نسوي مراجعة وتدقيق بكل واحد يسموه (حجي.. سيد.. شيخ.. دكتور) خصوصا وأن هالأيام منتشرة هذي الأربعة، وتبين صايرة “كريدت” وتسوي شغل، ونشوف السالفة خاف محصليها على طريقة أهل الخالص!.

د. فراس محمد