د. فراس محمد
بليلة من ليالي شهر مارس/آذار 1938 كان الشاعر معروف الرصافي والشاعر الملا عبود الكرخي، گاعدين بگهوة (عارف آغا) ببغداد، انتبه الكرخي بأثناء الحديث إلى شخص گاعد قريب منهم، ما عنده شغل إلا مد اصبعه بخشمه وإجراء عمليات البحث والتنقيب، تگدرون تسموه (باحث ومنقب) لإن سالفة “يخابر” صارت قديمة وطلع جيل جديد ما يفهمها – بعد ما بقت تليفونات أبو القرص – المهم المنظر كان يبعث على التقزز والاشمئزاز “يلعب النفس”.
الرصافي ما منتبه وما يدري، بس الكرخي لعبت نفسه والتفت على الرصافي وگال له: أستاذ.. شفت أذم منظر من هذا اللي گاعد بصفنا؟!
التفت الرصافي وشافه، فانفعل وصار عصبي وصاح على الكرخي:
لم أرَ في الناسِ أذمُ منظراً ….. من رجل اصبعه في أنفه
يُخرج منه قذرا يرمي به ….. من بعد ما يفركه بكفه
سيّان عندي وضع اصبع له….. في أنفه ووضعها في خلفه
صحيح… گهوة عارف آغا وين صايرة.. أحد منكم يعرف؟
د. فراس محمد