د. فراس محمد
بسنة 1889 داهم بغداد وباء الكوليرا المعروف في وقتها بالهيضة أو “أبو زوعة” مثل ما يسميه البغداديين، وبسبب هذا الوباء فر أكثر أهل بغداد منها خصوصا اليهود وأكابر البلد، وراحوا للقرى، وما بقى ببغداد بس الفقراء والضعفاء.
استمر الوباء 30 يوم وكان يموت في اليوم الواحد بمعدل 130 شخص، غلقت المحلات أبوابها، وصارت بغداد مدينة أشباح، والشباب اشتغلوا بدفن الموتى، واحد من الشباب مات أبوه، فأخذه ودفنه ورجع للبيت، ولما وصل شاف أمه ميتة، أخذها ودفنها، ولما رجع لگه زوجته ميتة، أخذها ودفنها، ولما رجع كان أخوه الصغير ميت، فانفجر الشاب وصاح: عيني يابو زوعة.. يابو الغيرة.. شويه خلي عندك أنصاف.. يعني ما لك خاطر تطلع من بيتنا؟ اخذ لك فرة بالمحلة وارجع علينا، أغاتي هم قبول!
هذا الشخص كان جيران الملا عبود الكرخي وهو اللي نقل هذا الحدث المؤلم، لأنه كان من ضمن الناس اللي بقوا في بغداد.
هسه احنا بالعراق بعد كل هذي السنين شنو نگول بالله؟ شو أبو زوعة صار له أكثر من 16 سنة گاعد وما له خاطر يطلع، أخذ له فرة وراح لسوريا واليمن وبعده گاعد يمنا لا تركنا ولا تركهم.. أدري هذا أبو زوعة ما له تطعيم علاج نهائي مثل الجدري؟!
د. فراس محمد