د. فراس محمد
البغداديين يعرفون المثل اللي يگول: (بس الدولمة شلون ياكلوها؟!)، لكن قليلين اللي يعرفون قصة هذا المثل، ومثل ما هو معروف كل مثل وله قصة.
قصة هذا المثل أن أحد عميان بغداد كان مدعو بعزيمة، ولما تغدوا وخلصوا، صاحب الدعوة قدم لهم صحن كبير مليان بالتمر، فبدا الأعمى ياكل التمر حفنة ورا حفنة، فتعجب الحضور من فعله، وگام واحد منهم وگال له: (عمي على كيفك .. أكل ثلاثة … ثلاثة … أربعة … أربعة مو تاكل حفنة .. حفنة!)
فالأعمى گال له وهو مستمر بالأكل: (عمي… إذا التمر ياكلوه ثلاثة .. ثلاثة .. بس الدولمة شلون ياكلوها؟!).
طلع الأخ ياكل الدولمة ثلاثة .. ثلاثة، وآني أگول شلون تصفرت ميزانية البلد بكم سنة!