سجلوا الدين

حجي زاير النجفي شاعر عامي ينظم الموالات والأبوذيات والميمر وهو لا يقرأ ولا يكتب، لكنه كان صاحب نكتة وسريع البديهة، أيام العهد العثماني اتهموه بقضية جزائية والشعراء عادة يشتكون عليهم بسبب الهجاء وما شابه.. المهم حجي زاير توقف ثمانية عشر شهر وبعدين أخذوه للمحكمة والقاضي حكم عليه بالسجن تسعة أشهر.
لما خلص الحاكم من تلاوة الحكم حجي زاير قال له: مولاي أنتم حكمتوني تسع أشهر وأني صار ثمنطعش شهر موقوف يعني أطلبكم تسع أشهر.
الحاكم قال له: أي وهسه شتريد؟
الحجي قال له: أريد تسجل هذا الدين عندكم أخاف تصير علي قضية ثانية وتحكموني تسع أشهر حتى ما أدخل السجن، وخلي يصير عندكم معلوم
فضحك القاضي وما سجل له شي طبعا