قصر شعشوع

اكثر العراقيين تقريبا سمعوا بقصر شعشوع حتى اللي ما يعرف قصة قصر شعشوع لانه صار مثل… اذا واحد عاجبه بيته يگولوله يابه دروح هسه قابل هو قصر شعشوع
قصر شعشوع هو واحد من ثلاثة قصور يملكها احد ابناء ستانلي شعشوع واحد من أثرياء يهود بغداد… كانت القصور فخمة تليق بسكن الملوك ايامها والقصور صايرة على نهر دجلة وسط بغداد .. من بين القصور اشتهر هذا القصر لان الملك فيصل الاول لما دخل الى بغداد حتى يتوج ملك على العراق ما كان عنده سكن خاص به هذا الكلام كان في شهر اب 1921 صاحب القصر قدم قصرين للملك فيصل واحد سكن به والمعروف بقصر شعشوع والثاني صار للحاشية واثنينهم على النهر
اشتهر قصر شعشوع اكثر لما صار الفيضان بشهر نيسان 1922 ودخل الماء لدار المشيرية قرب القشلة وكانت مقر الحكم فنقل فيصل الاول مقر الحكم الى بيته (قصر شعشوع)
القصر كان بمنطقة الكسرة وللاسف فيضان سنة 1926 دمر القصر وصار لا يصلح لسكن الملك فانتقل الملك الى دار مناحيم دانيال احد اثرياء اليهود في بغداد.
لم يكن للملك بيت لغاية سنة 1927 حتى اتخذ مدرسة الصنائع العثمانية منزلا الى ان مات سنة 1933 وحتى هذا المنزل كان ملكا للدولة
فيصل الاول حكم ارض بلا مقومات دولة كاملة وكان عليه ان يستحدث كل شي من الداخل ويتعامل مع غطرسة وهيمنة الانگليز اللي نصبوه ملك وبسنوات معدودة وبمساعدة ابناء البلد بنوا دولة العراق بمفهوم الدولة الحديثة حتى ضاع الطريق بخيانات ومؤمرات العسكر وانقلاباتهم المتتالية واخيرا وصلنا الى عهد اخذنا الى الهاوية
الصورة لقصر شعشوع