طوبيا أبو السرمهر

طوبيا أشهر واحد ببغداد يبيع خمر وكان ببيع السرمهر، هذا الشخص كان مشهور جدا ومنهم من كتب بيه أبيات شعر، وكان يتحدث أكثر من لغة، بيوم من الأيام صارت عليه دعوة وحالوه لمحكمة الجزاء بسبب مخالفة قانونية، لما دخلوه لقفص الاتهام وسألوه عن مخالفته، شافها ثگيلة عليه وانقهر، گال للقاضي: مولاي آني صار لي 75 سنة أبيع عرگ ما فد يوم سويت مخالفة، وهسه لما شيبت أگوم أخالف القوانين؟!
زين هذا طوبيا مفتح له محل مال بيع منكر على گولة البغداديين و 75 سنة يبيع عرگ ما قبلها على نفسه يتهموه مجرد تهمة بالمخالفة، والجماعة مفتحين أحزاب إسلامية ما بقى منكر على وجه الأرض ما ارتكبوه ولا رذيلة إلا وهم أهلها…. ألا ليت زمان طوبيا يعود يوما.