من نوادر المرحوم عبد المجيد الشاوي وهو وزير بدون وزارة ومتصرف لواء الدليم ومتصرف لواء الكوت، توفي سنة 1927، أنه في مرة استعطفه موظف صغير فصلوه من وزارة المالية وترجاه يرجعه لوظيفته، فالمرحوم الشاوي كلم وزير المالية، والوزير گال للمرحوم الشاوي: مستحيل يرجع لوظيفته لان هذا مفصول بتهمة الرشوة. فالمرحوم الشاوي حبكت عنده النكتة وگال للوزير: عجيب.. هذا مفصول بتهمة الرشوة؟! يمعود رجعه بسرعة لوظيفته الصغيرة، خاف يعرفون بيه ويعينوه وزير!
الله يرحم الشاوي گالها على سبيل النكتة ما يدري راح تجي أيام تصير الرشوة واللصوصية والجريمة مهارة توصل صاحبها للحكومة.