د. فراس محمد
بثلاثينيات القرن الماضي، دخل أحد المربين الفضلاء المعروفين في بغداد إلى ملهى ألف ليلة ببغداد، وكان يحمل بطاقة بيده سلمها للموظف الواگف باب الملهى! الموظف شاف هذا الأستاذ شكله مو شكل ملاهي، قرا البطاقة، وگال له:
ـ أستاذ يمكن حضرتك متوهم.. جنابك وين معزوم؟
ـ آني معزوم بحفلة المولد النبوي.. ليش هاي مو جمعية الهداية الإسلامية؟
ـ لا أستاذ… هذا ملهى ألف ليلة… هنا عندنا سليمة باشا وباقي المغنيات
ـ أعوذ بالله … وطلع الأستاذ يركض من الملهى
هذي القصة الحقيقية ذكرها نوري ثابت بجريدته حبزبوز سنة 1938 في مقال عن “الطرونة” وأخبارهم، وهو مقال اشبه بزاوية تكررت بأكثر من عدد.. بس هسه السالفة يمكن صارت بالعكس.. المربي الفاضل ما دخل بالغلط للملهى…. الملهى هو اللي دخل للمربي الفاضل!
د. فراس محمد