د. فراس محمد
بالأربعينيات أكو مجموعة گاعدين يسولفون ببغداد على الانتخابات البرلمانية اللي صارت قبل أيام –بوقتها- واحد قال نسبة الحرية بهذي الانتخابات أكبر من الانتخابات السابقة، وجرهم الحديث عن المرشحين والنواب، والمجموعة كانوا ولد محلة وحدة.
سأل واحد منهم، وقال:
ـ يا جماعة انتوا انتخبتوا أي مرشح؟
ـ قالوا له: ليش هو احنا شاركنا بالانتخابات؟! احنا ما انتخبنا أحد لا بهذي الانتخابات ولا بأي مرة من انتخابات مجلس الأمة العراقي!
ـ قال: يا به وآني هم ما رحت ولا انتخبت أحد!
فقال واحد منهم:
ـ عمي ما تفهموني، شو احنا ما نروح ننتخب وهم يصيرون نواب، هاي شلون تصير!
فأجابه أحدهم:
خالي.. هذوله هم يطلعون نواب من كيفهم!
يبين الانتخابات بالعراق من ذاك الوقت بركة، زرع يطلع من كيفه!
فراس محمد