د. فراس محمد
بيوم من أيام سنة 1915 أحد المعممين ببغداد سولت له نفسه، ولعب الشيطان بعقله ودخل أحد البيوت المشبوهة، ولما أراد يطلع من البيت گال لخادم البيت: ولك اطلع شوف أكو أحد يم الباب – حتى لا ينفضح – طلع الخادم وما شاف بالدربونة بس السقا يفرغ الماي بواحد من البيوت القريبة، رجع وگال له: لا عمي ماكو أحد بس السقا، ولإن الأخ ما حاسب السقا من الأوادم! طلع بكامل قيافته المعروفة، فانتبه عليه السقا واستغرب من المنظر وصاح عليه: هااااا يابه… هاي إذا واحد مثلك يخش بهيچي بيوت لعد الغير شي يسوي! فجاوبه فورا وگال له: اسكت ولك .. أدبسز.. هذا حلالٌ وليس بحرام..
السقا المسكين ما فهم نص العبارة اللي بالفصحى بس گال للمعمم: والله يابه هي بكيفكم.. تريدوها كبار كبار! تريدوها صغار صغار!
أيباه… أيباه…. مشت الأيام والسنين وصار الشعب العراقي كله سقا!
حاشى البيوت الـ….. وأصحابها وزوارها وخدمها واللي ياكلون بخيرها.
د. فراس محمد