د. فراس محمد
بداية سنة 1921 الإنكليز كانوا يبحثون عن مرشح لعرش العراق وكان الشيخ خزعل الكعبي عنده طموحات قديمة بهذا الموضوع وفاتح الانكليز أكثر من مرة بس الجماعة “طنشوه” مع أنه ساعدهم بحربهم ضد العثمانيين بس اعتبروه ورقة محروقة .. الشيخ خزعل ما نسى الموضوع وانتهز فرصة بحث الانكليز عن ملك، وفكر بطريقة تساعده للحصول على عرش العراق عن طريق الضغط الشعبي… المهم أخذ مبلغ ضخم جدا (20) ألف ليرة ذهب واعطاه لواحد من رجال الدين حتى يوزع المبلغ هذا بالنجف كنوع من أنواع الدعاية … صاحبنا الملا أخذ المبلغ وفص ملح وذاب وتبين بعدين أن أخذ المبلغ لبيته وحفر بحايط البيت وخزن المبلغ وما فتح الحايط إلا قبل وفاته بقليل… والشيخ خزعل لا سلم على فلوسه ولا حصل عرش العراق