د. فراس محمد
بسنة 1910 كتبت جريدة (قره كوز) العثمانية هذي القصة – والعهدة عليهم – يگولون: كان قباصقال محمد باشا وهو رجل كان مقرب من السلطان، عنده زوجة شركسية جميلة، وعنده بالبيت طباخ اسمه طوسون آغا، وصارت علاقة بين الخانم زوجة الباشا والطباخ، وعرف بهذا الموضوع أصدقاء الباشا فأرادوا ينبهوه، فگالوا له: باشا احنا نشوف لو تطرد الطباخ طوسون أحسن، گال لهم: ليش؟ گالوا له: الناس يگولون أخلاقه فاسدة.. گال: لا.. هذا مو كافي والناس بيت بلا، يتكلمون على كل الناس، وهذا حسد عيشة مو أكثر… گالوا له: باشا.. الناس يگولون هذا الطباخ يتكلم مع الخانم حرمكم! گال: طبعا يتكلم، ولازم يتكلم.. غير يسألها نوع الأكل اللي يطبخه؟! گالوا له: لا مو بهذي الطريقة.. لإن الناس شافوه أكثر من مرة يدخل لدائرة الحرم عندكم، گال: يجوز ماكو مشكلة بلكي داخل يأخذ من (الكيلار) تمن..دهن… طحين إلخ! گالوا له: باشا.. أحيانا يدخل لغرفة النوم.. حك الباشا لحيته وگال: يمكن الخانم طلبت الأكل بغرفتها ودزت عليه وراح يأخذ الأكل! هنا خلص صبرهم وگالوا له: باشا.. شافوهم بالجرم المشهود… هز الباشا راسه، وگال: هااااااا …. هذا أدبسز.. لازم نطرده.
بعد ما بقى بيها عذر مو صحيح باشا؟ انت گلت عليها أدبسز لازم نطرده
د. فراس محمد