د. فراس محمد
واحد من شلاتية بغداد دخل مياخانه (مشرب) قديمة بمحلة أبو دودو أيام زمان، وبعد ما شرب نص بطل عرگ مال هبهب (منطقة في ديالى)، بدا يلعب براسه، وبدأ ينتقد تعامل الشرطة ويه الناس، وبدا يعربد ويهدد وهو گاعد على اسكملي (كرسي) مكسر، ويگول: يابه هذولة الشرطة مو خوش أوادم … وداعة كل خوش صبي لو ألگف واحد منهم أمرده مثل ما أمرد العجينة … ذوله يحاتج لهم درس!
وأثناء هذي العربدة التفت وراه حتى يوصل صوته لباقي الناس، فانتفض فجأة لإن اكتشف وراه واگف مفوض شرطة داخل بمهمة رسمية، فصاحبنا على طول گال: حاشا هذا اللي گبالي لأنه خوش صبي… والخوش ولد أكو أحد يگدر يگول له على عينك حاجب؟!
فضحك المفوض وضحك الجالسين وتركوه، لأن عرفوه فارغ ما وراه شي، عاد ما أدرى ليش تذكرت ذولة جماعة الشيطان الأكبر!
د. فراس محمد